Rama të premten në mbledhjen e Këshillit Special për krizën në Bjellorusi

11:25 | 25 Gusht 2020
Arditë Shkodra

Të premten Edi Rama do të marrë pjesë në mbledhjen e Këshillit Special, ku në fokus të diskutimit do të jetë kriza politike në Bjellorusi.

Rama shkon në takim si drejtues i Presidencës së Shqipërisë në OSBE dhe si një ndër propozuesit e nisjes së një dialogu mes qeverisë së Lukashenkos dhe opozitës, kur OSBE të ketë rolin e ndërmjetësuesit.

Por pavarësisht letrave zyrtare të drejtuara nga Rama në adresë të Lukashenkos, ky i fundit deri më tani ka refuzuar të bisedojë apo krijojë kanale komunikimi.

Kujtojmë se BE ashtu dhe SHBA-të, kanë pranuar që OSBE-ja të ketë rolin e dialoguesit në lidhje me shtensionimin e situatës në Bjellorusi, atje ku prej ditësh tashmë protestat anti-qeveritare nuk kanë reshtur. Kujtojmë gjithashtu se BE-ja nuk i ka njohur zgjedhjet e fundit të mbajtura në Bjellorusi.